【元朗襲擊】王喜提問一哥警隊調配方式　前警員王喜：出糧3萬人應急就無人？

前晚（7月21日）一班白衣人士手執武器，於元朗西鐵站、街頭上無差別攻擊市民，有人報稱報警後警員卻遲遲未有到場執法，結果多名市民流血受傷送院。在昨天（7月22日），警務處處長盧偉聰因調配人手需時。前警員的王喜昨晚在個人社交網站發文，提問：「出糧三萬人，應急就無人？！」

藝人王喜於入行前，於1986年加入香港警隊，於任職時更勇救同袍，事跡被列為香港警隊「十大英雄事件」。離開警隊後當演員，王喜不時演紀律部隊角色，英勇形象深入民心。

▲ 王喜近日多次以前警員身份發言。（陳智良攝）

近月就政府擬修訂《逃犯條例》而引伸出的連串社會運動，王喜已曾以前警員身份發表意見，向警隊生為提出質疑。

前晚發生元朗事件，令全城震驚，王喜昨晚發文，今次矛頭直指香港警務處處長盧偉聰「安排失當」，更以個人經驗給予警隊周詳建議，王喜的Facebook詳文如下：

盧偉聰，你話21號晚唔夠人手調去元朗。得罪講句：

「出糧三萬人，應急就無人？！」

考考你呢位坐响HQ（Headquarters即總部）頂樓嘅警務人員，知唔知粉嶺PTU（機動部隊）訓練之一，就係emergency turn out（緊急行動）呢？佢哋雖然叫做受訓，但唔係RPC（學警），個個响環頭都係出類拔萃嘅精英嚟嘛，起碼叫做拉過人，上過court（法庭），比過口供，識得寫caution statement（警誡供詞），俗稱熟手技工，做乜唔調動佢哋呢？

嫌粉嶺蓬瀛仙館去元朗遠？咁你咪reform EU NT（重組新界衝鋒隊）或者T NT（即新界交通部）做一個company（團隊），157人，個個column box（器械箱）要乜有乜，胡椒噴霧、橡膠子彈乜武器都有，應付果200人（元朗白衫人士），綽綽有餘啦。

唔好比機會我呢種放低張warrant card（委任證）廿七年嘅市民喺你面前指指點點啦，好冇？

今年係香港成立嘅警隊175週年喇。人類歷史上，現存無幾多隊㗎，好好睇睇，帶番好班細嘅，執番正隊兵，做番「保護他人生命及財產」嘅警察，作為警隊175週年嘅紀念，好冇？

你係一個叻仔，我對你有信心。

▲ 消失多日的盧偉聰昨日與特首等高官一同會見傳媒。（林宇翔 攝）

逾萬網民讚好王喜的文章，有網民留言：「真心服你，離開警隊咁多年仍然記得咁清楚，思路清晰過而家嘅指揮官同CP，俾個禮你！」亦有網民感謝王喜為市民道出真相。